Əziz uşaqlar,

Azərbaycan Respublikasının Mərkəzi Bankı ölkəmizdə sığorta savadlılığının artırılması, maarifləndirmə və təbliğat tədbirlərinin həyata keçirilməsi istiqamətində müxtəlif öyrədici layihələr təşkil edir. 

Təqdim etdiyimiz Sığortaya giriş kursunda siz sığorta, onun işləmə prinsipi, funksiyaları və növləri haqqında ümumi məlumat əldə edəcək, sığorta sahəsi ilə bağlı anlayışlarla tanış olacaq, “Sığortaya niyə ehtiyacımız var?”, “Necə sığortalana bilərik?” suallarına cavab tapacaqsınız.

Kurs ümumilikdə 13 video-dərsdən ibarətdir, hər dərsin sonunda dərsdə bəhs edilən mövzuları əhatə edən test suallarını cavablandırıb öyrəndiklərinizi yoxlaya bilərsiniz. Kursun sonunda isə final imtahanını müvəffəqiyyətlə tamamlasanız, sertifikat əldə edə bilərsiniz. Ümid edirik ki, bu kurs sizin üçün yararlı olacaq və kursu bitirdikdə sığorta haqqında daha geniş anlayışa sahib olacaqsınız.

Sizə uğurlar arzulayırıq!