Salam!

Bu gün biz Sizə "Milli pul nişanlarımız" kursunu təqdim edirik.

Bildiyiniz kimi, hal-hazırda dövriyyədə həm 2006-cı ildə buraxılan yeni nəsil pul nişanları, həm də onların 2021-ci ildən etibarən yenilənmiş versiyaları da istifadə olunur. Bəs biz onları nə qədər yaxşı tanıyırıq? Saxta pulu müəyyən etmək üçün kifayət qədər biliyimiz varmı? Bu və digər sualların cavablarını Siz bu kursda tapa biləcəksiniz.

Hər nominal üzrə xüsusi hazırlanmış izahedici animasiyalarla tanış olduqdan sonra Siz əldə etdiyiniz biliklərinizi özünüyoxlama testlər ilə sınaya bilərsiniz. Bundan əlavə, kursun əvvəlində diaqnostik test yerləşdirilib. Onun məqsədi ilkin biliklərinizi qiymətləndirməsində köməklik etməkdir. Kursun son hissəsində isə yekun imtahanı başa çatdırandan sonra, imtahan nəticələrini müqayisə edib inkişafınızı müəyyən edə biləcəksiniz.

Bu distant kursun həm uşaqlar, həm də böyüklər üçün faydalı olacağından əminik. Bir daha xatırlatmaq istərdik ki, virtual təhsil platformasında digər kurslar kimi də bu kurs ödənişsizdir və yekunda, uğurlu nəticə edənlərə müvafiq sertifikatlar təqdim olunacaq.

Hamınıza uğurlar diləyirik!