Azər Babayev
Təhsil:
1983-1984-cü və 1986-1989-cu illərdə Leninqrad Maliyyə-İqtisad Universitetinin Bakı filialının (indiki Azərbaycan Dövlət İqtisad Universitetinin) «Maliyyə-kredit» fakültəsini fərqlənmə diplomu ilə bitirmişdir. Elmi Şuranın qərarı ilə təhsilini məqsədli aspiranturada davam etdirməkdən ötrü Sankt-Peterburq şəhərinə göndərilmişdir.
1989-1994-cu illərdə Sankt-Peterburq Dövlət İqtisad və Maliyyə Universitetinin aspiranturasında «Maliyyə, pul tədavülü və kredit» ixtisası üzrə təhsil almış, namizədlik dissertasiyanı müdafiə etmişdir.
2004-2005-ci illərdə Sankt-Peterburq Dövlət İqtisad və Maliyyə Universitetində «Müəssisə (biznes) dəyərinin qiymətləndirilməsi» proqramı üzrə ikinci təhsil almışdır.
İş təcrübəsi:
1994-cü ildən indiyə kimi Azərbaycan Dövlət İqtisad Universitetində (UNEC) çalışır. Hal-hazırda UNEC Rus İqtisad Məktəbinin «İqtisadiyyat» kafedrasının dosentidir. Tədrisin bütün pillərində (bakalavriat, magistratura, MBA) çalışır. Son illərin tədris fəaliyyəti «Maliyyə bazarları» fənnini də əhatə edir.
«Pul və banklar» (2000, 2012) və «Bank işi» (2016) fənləri üzrə baza dərsliklərin həmmüəlliflərindən biridir. Həmçinin respublikada ilk «Qiymətli kağızlar bazarı» (2003) dərsliyinin həmmüəllifidir.
İstifadəçinin kursları
